اوکڑنو
اوکڑنو
اوکڑنو گوجری زبان ماں اک اسراہ کو لفظ ہے جیڑو انسان کی حرص تے لالچ ناں ظاہر کرے۔ کوئی وی آدمی جے کر اس عادت کو شکار ہو جے وہ فر فائدہ کے بدلے نقصان ، عزت کے بدلے بے عزتی تے سکھ کے بدلے دکھ حاصل کرے۔
اوکڑن آلاں بنداں ماں اکثر وہ بندہ ویں جیڑا اپنا آپ ناں دیکھن ، سمجھن یا سنبھالن کے بدلےدوجاں کی فکر ماں رہیں۔ اسراہ وے پہلاں اپنی اکھاں تے کناں کے نال اوکڑو شروع کریں تے پھر اپنی حیثیت کے مطابق کوئے بناں وروں اوکڑے،کوئی سڑکاں وروں اوکڑے، کوئی کٹھاں تے کسیکاں ور اوکڑے، کوئے سرکاری زمیناں تے سرکاری مال ور اوکڑے۔ اسراہ کا بندا وقتی طور چلاک تے ہوشیار بنیں تے اج مھارا سماج ماں اسراہ کا بنداں کی قدر وی کی جے۔ جیڑو جتنو بڑا اوکڑو وہی اتنو بڑولیڈر ۔
اج ہم چھیکٹر اس نتیجہ ور پہچیا جے اوکڑنو نہ صرف زمینی بلکہ آسمانی بلائیاں ناں وی دعوت دے۔
آؤ ہم سارا اپنا واسطے آپ شیشو لا کے دیکھاتے جے کر اسراہ کی کائے عادت مھارے اندر وی وے تے اس ناں اپنا آپ بچوں باہر کڈھ کے صبر، شکر تے توکل نال زندگی گزاراں۔
ناظم پونچھی
Comments
Post a Comment